SALAY, MIS. OR., 2021, July 30 — Mitambong si Mayor Jun Capistrano sa panagtigum sa mga presidente sa “Senior Citizen” sa 18 ka barangay sa Salay, kini arun sa pagpasabot ug pag pahibalo kanila na ang atoang COVID-19 Bakuna epektibo ug luwas para sa atong mga senyor. Mitambong usab si DOH-DMO IV, Maam Esther Mofar diin mihatag ug dugang impormasyon mahitungod sa bakuna.

Dili maubos 50% sa kinatibuk-ang “Senior Citizens” ang target na mapabakunahan, pero kasamtangang 24% pa lamang ang nabakunahan.

Ang lokal na pangagamhanan sa Salay na gipangulohan ni Mayor Jun Capistrano, naga awhag sa tanang residente sa Salay ilabi na sa mga “Senior Citizens” na mag pabakuna na. Kini para lamang sa kaayuhan sa tanan, arun luwas kita sa makamatay na sintomas ug aron dili na mukuyanap kining maong virus sa atong lungsod.

Sa panaghiusa, atong makab-ot ang kalampusan ug kaluwasan kontra COVID-19.
Buswak Salay!